...er så heldig...

 

... eg har fått meg nye gardin på kjøkkenet mitt, og dei er laga av mamma. Er ikkje eg heldige vel? Kjempe fine hekla sommargardiner. 

No må sommaren berre kome til mitt hus og hage! 

 

...tilbake fekk mamma denne jakka med seg til odel og eige..

sjølvsagt strikka i alpakka..

og mamma likar veldig godt lilla..  

...fekk ein award...

Takk til deg Rigmor for at eg fekk denne utfordringa. Skrive 7 ting om seg sjølv er ikkje så enkelt, men skal prøve...

1. priveligert mamma til to.

2. held fortsatt på med renovering av huset vårt. 

3. har ein nydeleg hage, som eg vil prøve å ta godt vare på.

4. elskar musikk, syng i kor, og er sjølvlært på gitar 

5. glad i å strikke og hekle.

6. likar å samle familie og vener til godt lag og mat.

7. for å samle tankar og krefter i ein generelt sett travel og hektisk kvardag, treng eg å kome meg ut i skog og mark  Det er rehabilitering for meg.

Sender denne "stafettpinnen" vidare til  deg Linn, og til

http://husetvedfjorden.blogspot.com/  og

http://draumesider.blogspot.com/  og

http://hjemoglykke.blogspot.com/

elles har pinsehelga gått med til å vere med familie og vener i barneselskap og grillparty.

Her er eit lite bilde av nydeleg primula. Har dei i ein lysare lilla farge også.

 

Ha ei fine og kjekke veke!

*klem* 

...snik-kik...

...no er fristen snart ute..

Gler oss veldig til den store dagen vår!

Ha ein kjekke fredagskveld alle! 

♥♥♥

... på veg mot sommar..

ynskjer meg sterkt ein ny supersykkel, som eg kan suse meg ein tur rundt fjorden ein dag eller kveld. Kjenner at det kriblar litt i beina etter ein lang vinter. Ein kjenner seg så fri når ein trakkar avgarde på sykkelen. Vind i håret ( les: nedtrykt hjelmsveis) og fri som fuglen. Herleg...

Dessutan har eg dei siste åra funne ut at eg bur veldig lagleg til for å ta seg ein sykkeltur. Her er kjempe mange kjekke ruter for ei sykkelutflukt med familien òg. Satsar friskt på at det blir ein nydeleg sommar i år, og sommarkveldane kan brukast til nettopp.. ein sykkeltur rundt fjorden..

*klem* 

 

...påskeresymé...

har ikkje hatt så mykje tid til overs i det siste... Skulle vere litt i forkant med påskepyntinga, og starta ei veke før palmehelga. Husbonden var på skiweekend ei heile helg, så då nytta eg høve til å få fram påskepynten.

 

Fekk òg god hjelp av min lille hjelper, som også hadde laga fin påskepynt i barnehagen. Det var veldig kjekt, og det er kjempe viktig å lage sine eigne tradisjonar i høve påske. 

 

Fekk òg brukt skia mine i påska. Heilt fantastisk. Det er ikkje mange månadar sidan eg vart kneoperert. Vart vel egentlig fråråda å gå på ski av legen.. men det gjekk bra :o) 

 

Det var kjempe stas å kome til fjells. Det var nesten magisk. Sitje i solveggen å nyte medbrakt mat og få ein varm kopp kaffe....lykke.

  

Heime i hagen skjedde det ein god del i løpet av nokre flotte påskedagar.  

Blåstjerner, Krokus, Perleblomster, Snøklokker  

  

* klem* 

 

...inspirert av stjernene...

 

I dag har vi baka brød her i huset ved elva. Storebror i huset tok kommandoen då deiga var ferdig heva. Han leitte ivrig fram pepperkakeformene. Dei kunne godt brukast til noko anna enn å lage julemannar og pepparkaker. Dermed gjekk han i gang med å trykke ut ulike figurar av brøddeiga.

 

 

 

 

 

..og etter at *stjernebrøda* var steikte og avkjølte, var det tid for prøvesmaking... 

...no kjem våren...

..No håper eg at våren kjem og at det ikkje kjem meir snø. I dei siste dagane har det regna ganske mykje. Snøven i hagen har takka for seg.  Krokus- og snøklokkespirane kjem fram.

 

Med våren kjem også energien til å styre ute i hagen. Har utruleg mange idèar som eg så gjerne skulle realisert. Så det er berre å hoppe i hagestøvlane og brette opp skjorteermane. 

 

 Var på trilletur idag med minstemann og vi kosa oss ute på tur..

 * VÅR klem *  

....frå kvardag til helg...

 I dag snøvar det tett her med oss.... Trur ikkje den blir liggande så lenge. Hagen her ved elva var på veg fram frå den kvite dyna si, og det var godt å sjå nokre grøne blad og spirar. Men tida var altså ikkje inne..
  

 

I helga skal vi prøve å få gjort litt huslege syslar og få tid med familie og vener.

Ynskjer deg og dine ei kjekke og innhaldsrik helg!

* klem* 

...Little wonders...

..Kvite ranuklar...

 

Desse nydelege ranuklane har fått kome heim til oss. Alle som kjenner meg godt veit at eg elskar kvite blomster. Valet stod mellom ein bukett kvite tulipanar og ranuklane på butikken. 

  

Inne er det godt og varmt. Fyr i ovnen og herleg musikk på anlegget. Lykke.

  

 *Varm klem* 

...litt meir snø...

 

Det har kome litt snø i dag. Tok meg ein tur ut i skogen og fekk tatt nokre bilde med nye mobilen min.

Lyset, fargane og stemninga var heilt spesiell. Gjekk berre og lytta, men det var heilt stille ute i skogen.

 

 ...fin vinter... snart vår...

 

*klem* 

Litt attersyn frå renoveringa av huset

 

Det har gått to og eit halvt år sidan me flytta inn i huset vårt. Har samla litt bilder frå renoveringsperioda her. Det vart då egentlig eit større prosjekt enn eg hadde forventa. Då vi kjøpte huset somaren 2006, håpte eg at me skulle få flytte inn til jula 2006, men ikkje før oktober 2007 flytta me inn i den nye heimen vår.

 

Heile første etasje vart ombygd. Alt vart rive. Berre noko berande kontstruksjon stod att. Ei bratt trapp til kjellaren vart riven, og ei ny "resirkulert" trapp, med nytt rekkverk frå StrynTrappa vart sett inn i staden. Der det hadde vore kjøkken vart det bygd eit nytt stort bad, og der det hadde vore bad vart det bygd nytt kjøken  med opa løysing til stove. Pipene på huset vart rivne og ei ny pipe vart oppmura gjennom våren og sommaren 2007.

  

Somaren 2008 tok me fatt på å grave opp rundt huset for å få ein tørr kjellar. For då me reiv frå plater under rivinga, oppdaga me at der var fuktig enkelte stader ved ytterveggane. Gravinga vart ikkje gjort med gravemaskin men med handemakt!!!!God trening gjennom sommaren!!!!

Før jul vart eg kneoperert, og vart i ei periode litt immobil. Då gjekk eg igang med nokre strikkeprosjekt. Fann oppskrift på www.garnstudio.com, og bestilte garn derifrå. Favoritten min er Drops Alpaca Ull. Love it!!!

Så mjukt og godt å ha på seg. Måtte til å lage ei jakke i mørk lilla til min mentor som betyr alt for meg og som har lært meg så mykje gjennom livet.

 

Jakke i farge Perlegrå 

  

Jakke i farge Lys Blå 

Det har i det siste vore kaldt her ved elva. Dette bilde er fra hagen vår- på veg inn i den blå...time..